Saleem Figar
raunaq-e-bazm-e-dil se ruḳhsat mangi thi
sabz ruton men ḳhud se hijrat mangi thi
barf bani jab kaali raat ki tanha.i
main ne jalte jism ki hiddat mangi thi
jannat ki har shai is karb se vaqif hai
pahle mard ne kyon ik aurat mangi thi
us qabil se ham hain jis ne maqtal men
bar-e-digar sab nasl ki zillat mangi thi
zar ke Dher ke ik janib kuchh phuul the aur
shah-e-vaqt se main ne mohabbat mangi thi
Leave a Reply