Maine Chahat Ke Git Gae The

Daur Afridi

main ne chahat ke giit gaa.e the

sunne vaale magar para.e the

umr bhar ko ḳhushi ka rog laga

ek do din ko muskura.e the

rahaten hi na kar sake hasil

rahaton ke mahal bana.e the

mere ḳhvabon ki raushni men kabhi

in labon par labon ke saa.e the

kis ne khinchen jafa ki talvaren

kis ne arman ke ḳhuun baha.e the

bah rahi hain nashat ki nadiyan

kya ishare the kya kina.e the

main ne chahat ke asman par dost

chand taron ke daf baja.e the

haa.e vo din jo tere saath ga.e

naghma-o-nur men naha.e the