main ne apni maut pe ik nauha likkha hai
tum ko sunata huun dekho kaisa lagta hai
jism ko kar Daala hai ḳhvahish ka harkara
chehre par masnui vaqar saja rakkha hai
suuni kar Daali hai basti ḳhvab-nagar ki
kal tak jo dariya bahta tha ḳhushk hua hai
honTon se zanjir-e-ḳhamoshi bandh rakhi hai
taq-e-umid pe dil ka charagh bujha rakkha hai
niind se bojhal palkon par andesha-e-miTTi
kashti-e-jan ke Dubne ka lamha aaya hai
Leave a Reply