naz-butt

Main Usmein Aks-E-Talab Apna Dhundhti Hi Rahi

main us men aks-e-talab apna DhunDhti hi rahi

magar vo chashm-e-mohabbat ki ajnabi hi rahi

vo ik charagh jo us lams ne jalaya tha

mire badan men sada us ki raushni hi rahi

qarar paaya nahin tere qurb men bhi magar

tujhe ganva ke bhi is dil men be-kali hi rahi

go mukhtasar the bahut tere vasl ke lamhe

tamam umr tire gham se dosti hi rahi

khuda nahin to magar umr bhar mohabbat men

tire huzur jabin-e-vafa jhuki hi rahi

More Poems

Leave a Comment