Afzal Minhas
chup rahe to shahr ki hangama arai mili
ab agar khole to ham ko qaid-e-tanhai mili
zindagi ki zulmaten apne lahu men rach gaiin
tab kahin ja kar hamen ankhon ki binai mili
mausam-e-gul ki nai taqsim hairan kar gai
zakhm phulon ko mile kanton ko raanai mili
sat.h-e-dariya par ubharne ki tamanna hi nahin
arsh par pahunche hue hain jab se gahrai mili
dusron ko sang-e-dil kahna bada asan tha
khud ko jab dekha to apni aankh pathrai mili
Leave a Reply