barson junun sahra sahra bhaTkata hai
ghar men rahna yunhi nahin aa jaata hai
pyaas aur dhuup ke aadi ho jaate hain ham
jab tak dasht ka khel samajh men aata hai
aadat thi so pukar liya tum ko varna
itne karb men kaun kise yaad aata hai
maut bhi ik hal hai to masa.il ka lekin
dil ye suhulat lete hue ghabrata hai
ik tum hi to gavah ho mere hone ke
a.ina to ab bhi mujhe jhuTlata hai
uf ye saza ye to koi insaf nahin
koi mujhe mujrim hi nahin Thahrata hai
kaise kaise gunah kiye hain ḳhvabon men
kya ye bhi mere hi hisab men aata hai
Leave a Reply