Main to Har Lamha Badalte Hue Mausam Mein Rahun

maiñ to har lamha badalte hue mausam meñ rahūñ

koī tasvīr nahīñ jo tire albam meñ rahūñ

ghar jo ābād kiyā hai to ye sochā maiñ ne

tujh ko jannat meñ rakhūñ aap jahannam meñ rahūñ

tū agar saath na jaa.e to bahut duur kahīñ

din ko sūraj ke tale raat ko shabnam meñ rahūñ

jī meñ aatā hai kisī roz akelā pā kar

maiñ tujhe qatl karūñ phir tire mātam meñ rahūñ

Leave a Comment