main roz ek na.i dastan bana.unga
phir is ke baad ḳhamoshi men Duub ja.unga
sukun mile mujhe miTTi kei kokh men shayad
main mar gaya to kabhi lauT kar na a.unga
vo Dor hai to mire haath men rahegi sada
patang hai to hava men use uḌa.unga
juda juda hain lakiren sabhi ke hathon ki
hujum men bhi akela hi ḳhud ko pa.unga
agar nasib hui mujh ko ek bhi neki
main apne saare gunahon ko bhuul ja.unga
Leave a Reply