main nikal ke aa gaya huun tiri bandagi se aage
abhi kitna rasta hai miri zindagi se aage
tiri sham.a chhoḌ aaya tiri masjidon men yarab
main tujhi ko DhunDta huun tiri raushni se aage
mira haal ho kuchh aisa tujhe pa ke bhuul ja.un
koi aisi be-ḳhudi ho miri be-ḳhudi se aage
jahan maut samjhun apni vahin zindagi javan ho
koi rasta na pa.un main tiri gali se aage
vo charagh jal na paa.e mile dil men ai ‘musavvir’
koi aur sha.iri hai miri sha.iri se aage
Leave a Reply