Akram Naqqash
main nahin huun nahin kahin bhi nahin
ab koi asman hai na zamin
ek duniya hui hai zer-e-nagin
shah-nashin ho gaya hai ḳhak-nashin
ye sukun bhi hua malal ke saath
vo bahar-taur ji raha hai yahin
bar-ha tu ne ḳhvab dikhla.e
bar-ha ham ne kar liya hai yaqin
ek virana tha basa na kabhi
bastiyan ham se go hazar basin
jaise paani pe naqsh ho koi
raunaqen sab adam-sabat rahin
ghurfa-e-dard kis ne khol diya
tu to ab mere as-pas nahin
Leave a Reply