Dilkash Sagari
main ki gham ki aag men Duub kar sanvar gaya
aur har gurez-pa apni maut mar gaya
aap muzmahil na hon dil ki vardat par
phuul tha jhulas gaya rang tha bikhar gaya
mujh se kya zaval ki munasibat ki dosto
din Dhale to aur bhi gham mira nikhar gaya
un ko chhu liya nigah ne to ye laga mujhe
jaise koi ruuh men duur tak utar gaya
chehra-e-hatyat ko dekh kar lahu lahu
aaj to main apne hi doston se Dar gaya
Leave a Reply