Sahir Ludhianvi
main jagun saari rain sajan tum so jaao
giton men chhupa luun bain sajan tum so jaao
shaam dhale se bhor bhae tak jaag ke jab katti hai ghadiyan
madhur milan ki os men bas kar khilti hain jab jivan ki kaliyan
aaj nahin vo rain sajan tum so jaao
phiki pad gai chand ki jyoti dhundle pad gae diip gagan ke
so gaiin sundar sej ki kaliyan so gae khilte bhaag dulhan ke
khul kar rolen nain sajan tum so jaao
jaag ke tan ki agni so gai badh ke tham gai man ki halchal
apna ghunghat aap ulat kar khol di main paanv ki paael
ab hai chain hi chain sajan tum so jaao
Leave a Reply