main har ik pal ka shair huun
har ik pal miri kahani hai
har ik pal meri hasti hai
har ik pal miri javani hai
rishton ka ruup badalta hai
buniyaden khatm nahin hotin
khvabon ki aur umangon ki
miaden khatm nahin hotin
har phuul men tera ruup basa
har phuul men teri javani hai
ik chehra teri nishani hai
ik chehra meri nishani hai
tum ko mujh ko jivan-amrit
in hathon se hi piina hai
in ki dhadkan men basna hai
in ke sanson men jiina hai
tu apni adaen bakhsh inhen
main apni vafaen deta huun
jo apne liye sochi thi kabhi
vo saari duaen deta huun
Leave a Reply