main bosa lunga bahane bata.iye na mujhe
jo dil liya hai to qimat dila.iye na mujhe
dilon men Talte ho dam nikal hi javega
main na-tavan huun bahut azma.iye na mujhe
bahut dinon se masiha.i ka ho dam bharte
mara hua huun tumhin par jila.iye na mujhe
ḳhat aap bhejenge mujh ko patang par likh kar
ye Dore jaate hue hain uḌa.iye na mujhe
khilaya chahiye ho gul raqib ke aage
ye garmi aur se kiije jala.iye na mujhe
tumhen raqib ki ḳhatir hai lo main jaata huun
uTha.iye na haya ko biTha.iye na mujhe
Leave a Reply