tanveer-anjum

Main Apni Nazmein Wapas Lene Ko Tayyar Hun

meri nazmon ne

kuchh logon se la-parvai barti hai

meri nazmon ne

kuchh logon ko aziyyat pahunchai hai

meri nazmon ne

kuchh logon ko maar Daala hai

main apni saari nazmen vapas lene ko tayyar huun

mujhe sab logon se muafi chahiye

taaki main bardasht kar sakun

duniya ki laparvai

aziyyat se tadapta hua dil

aur apni maut

More Poems

Leave a Comment