Jamal Owaisi
main apni bebasi mahsus kar ke ro raha hunga
suno ai dosto ik din main sab kuchh kho raha hunga
ye duniya kar-ha-e-ahmaqana hi se chalti hai
kisi mansab pe main bhi baiTh kar kuchh ho raha hunga
tire shikve se vaqt-e-naz.a mujh ko sharm aa.egi
ki apne dagh-e-dil phir ansuon se dho raha hunga
tiri chashm-e-tahayyur dekh leti kis tarah mujh ko
jahan hasrat ke maare sab the main bhi to raha hunga
miri nusrat pe qabiz ho rahi hai meri paspa.i
thake-hare kisi lamhe men main bhi so raha hunga
Leave a Reply