Poet
main apne vaqt men apni rida men rahta huun
aur apne ḳhvab ki ab-o-hava men rahta huun
kabhi zamin kabhi sair-gah-e-mah-o-nujum
kabhi main aks-e-nazar-ashna men rahta huun
sama.aton par utarta huun misl-e-saut-e-yaqin
dilon ke vahima-e-barmala men rahta huun
main uḌti gard huun ahl-e-hunar ke teshe ki
aur ahl-e-dard ki bhi ḳhak-e-pa men rahta huun
main ik faqir-e-ḳhuda-mast barsar-e-duniya
jamal-e-yar ki hairat-sara men rahta huun
Leave a Reply