main apne aap ko pahchan hi nahin paaya
isi liye main tujhe jaan hi nahin paaya
ye dekh kar vo pareshan hai teri mahfil men
kisi ko us ne pareshan hi nahin paaya
abhi se tujh ko padi hai visal ki miri jaan
abhi to hijr ne unvan hi nahin paaya
vo ek lamha miri zindagi pe taari hai
jo ek lamha abhi aan hi nahin paaya
khushi khushi tiri duniya ko chhod aae ham
khushi ka jab koi saman hi nahin paaya
javaz mil na saka mujh ko apne hone ka
so apne aap ko insan hi nahin paaya
ajiib hijr kiya ham ne hijr men ‘momin’
visal-e-yar ka arman hi nahin paaya
Leave a Reply