Afzal Naved
mai se vo jam-e-jism hai jab se bhara hua
sar hai futur-e-khvahish-e-shab se bhara hua
dil hai ki janta hai junun ka maaal bhi
sar hai ki phir bhi shor-o-shaghab se bhara hua
ghaflat-shiar dil pe koi raat daal kar
jaata hai mehr ghaiz-o-ghazab se bhara hua
divar-e-mai-kada koi raste men aa gai
varna ye jaam hai koi ab se bhara hua
hatta nahin nigah-e-alamnak se kabhi
chehra koi khumar-e-tarab se bhara hua
Leave a Reply