mai-kashi gardish-e-ayyam se aage na baḌhi
meri madhoshi mire jaam se aage na baḌhi
dil ki hasrat dil-e-nakam se aage na baḌhi
zindagi maut ke paigham se aage na baḌhi
vo ga.e ghar ke charaghon ko bujha kar mere
phir mulaqat miri shaam se aage na baḌhi
rah ga.i ghuT ke tamanna yunhi dil men ai dost
guftugu apni tire naam se aage na baḌhi
vo mujhe chhoḌ ke ik shaam ga.e the ‘nasir’
zindagi apni usi shaam se aage na baḌhi
Leave a Reply