duniya ko valvala dil-e-nashad se hua
ye tuul us ḳhilasa-e-ijad se hua
fasl-e-junun men sina-o-naḳhun ko mere dekh
kya be-sutun pe tesha-farhad se hua
rahmat ne baḌh ke sard jahannam ko kar diya
kaisa qusur ye dil-e-nashad se hua
ḳhush huun main vaqt-e-naz.a ḳhusha lazzat-e-faragh
jo kuchh hua vo aap ke irshad se hua
ye hai haqiqat-e-adam-o-alam-e-vajud
vo ḳhamushi se ye miri fariyad se hua
na-vaqif-e-rusum mohabbat hai koi chiiz
insan ‘aziz’ sheva-e-faryad se hua
Leave a Reply