mah-e-kamil ho muqabil yaar ke ru se che-khush
kham ho dam maare hilal us tegh-e-abru se che-khush
ik jhalak bhi yaar ki shokhi ki tujh men nahin ai barq
tispe ham-sar ho to us ki tundi-e-khu se che-khush
us ki jaulan ki hava se gai hai barbad aur us par
muddai hai nikhat-e-gul yaar ki bu se che-khush
aankh men hirnon ki khak-afgan hai us ki gard-e-rah
tispe gardan-kash hain pi ke chashm-e-jadu se che-khush
garche sumbul hai ai ‘uzlat’ tira-bakht aur dagh-e-rashk
pech-o-kham kha kar hai sarkash pi ke gesu se che-khush
Leave a Reply