lutf se tere siva dard mahak jaata hai
ye vo sho.ala hai bujhao to bhaḌak jaata hai
ik zamane ko rakha tere ta.alluq se aziiz
silsila dil ka bahut duur talak jaata hai
tum mire saath chale ho to mire saath raho
ki musafir sar-e-manzil bhi bhaTak jaata hai
ham to vo hain tire va.ade pe bhi ji sakte hain
ghuncha paigham-e-saba se bhi chaTak jaata hai
masti-e-shauq sambhalne nahin deti ‘ishqi’
jaam lab tak nahin aata ki chhalak jaata hai
Leave a Reply