Cba Fb A Dddba
jo ab tak naav ye Duubi nahin hai
to sahil par bhi bechaini nahin hai
chalo ham bhi vafa se baaz aa.e
mohabbat koi majburi nahin hai
zara tarikiyon ko bhi pukaro
ki itni raushni achchhi nahin hai
abhi se kanpta hai sham.a ka dil
abhi us ne naqab ulTi nahin hai
raha karti hai hasrat ban ke dil men
mata-e-arzu luTti nahin hai
hayat-e-javedan paane ki ḳhatir
hayat-e-muḳhtasar chhuTi nahin hai
‘imam’ aa.en zara us bazm tak vo
jinhen ehsas-e-mahrumi nahin hai
Leave a Reply