lutf ho gar tu ho aur mai-khana ho
main huun aur mera dil-e-divana ho
jis zaban par ho tira afsana ho
koi ho apna ho ya begana ho
yaan to hai didar se teri gharaz
dair ho kaaba ho ya but-khana ho
jis ko dekha jalte hi dekha yahan
shama ho ashiq ho ya parvana ho
ham ko to do-gaz zamin darkar hai
shahr ho basti ho ya virana ho
daur-e-saqi men kise gardish nahin
shisha ho saghar ho ya paimana ho
kya qayamat ho jo ‘anjum’ hashr men
koi saudai koi divana ho