Lo Zoaf Se Ab Ye Haal-E-Tan Hai

lo zoaf se ab ye hal-e-tan hai

saaya mutajassis-e-badan hai

yahan tan hi nahin hai laghari se

ham ko kya hajat-e-kafan hai

misl-e-nikhat hain jaama kaisa

apna to badan hi pairahan hai

huun bulbul-e-bostan-e-tasvir

be-khauf-e-khizan mira chaman hai

huun kushta-e-tegh-e-sharm-e-janan

har zakhm ka be-zaban dhan hai

la-raib ‘nasim’-dehlavi to

ustad-e-nazakat-e-sukhan hai

Leave a Comment