Darshan Singh
libas-e-faqr men ham ko jo ḳhaksar mile
unhin ke dar pe salatin-e-rozgar mile
vo raaz jis se sulagta raha hai dil kah den
hamare dil sa agar koi razdar mile
sharab ḳhana-e-chishti men bhi nazar aa.e
hamen jo ulfat-e-nanak ke bada-ḳhvar mile
gham-e-jahan-nigari ka safar-e-qayamat tha
har ek zarre ke siine men kohsar mile
koi bhi duri-e-manzil nahin agar ‘darshan’
jahan ko mera junun-e-ḳhirad-shikar mile
Leave a Reply