is umr ke baad us ko dekha!
ankhon men saval the hazaron
honton pe magar vahi tabassum!
chehre pe likhi hui udasi
lahje men magar bala ka thahrao
avaz men gunjti judai
banhen thiin magar visal-e-saman!
simti hui us ke bazuon men
ta-der main sochti rahi thi
kis abr-e-gurez-pa ki ḳhatir
main kaise shajar se kat gai thi
kis chhanv ko tark kar diya tha
main us ke gale lagi hui thi
vo ponchh raha tha mire aansu
lekin badi der ho chuki thii!