Le Ke Dil Us Shokh Ne Ek Dagh Sine Par Diya

le ke dil us shokh ne ik daagh siine par diya

jo liya us ka evaz us se mujhe behtar diya

duur tujh se saghar-e-mai par nazar main ne jo ki

kaasa apna chashm ne khunab-e-dil se bhar diya

jo suluk ab dil men aaven kar mujhe taqdir ne

dast o baazu bandh kar tere havale kar diya

dilbaron ke shahr men beganagi andher hai

ashnai DhunDta phirta huun main le kar diya

baaze hi auqat rahat ham ko di hai charkh ne

ranj o gham hi us sitamgar ne ‘bayan’ aksar diya

Leave a Comment