poet

Lashkar-E-Ishq Aa Pada Hai Mulk-E-Dil Par Tut Tut

lashkar-e-ishq aa pada hai mulk-e-dil par tuut tuut

kaan men aati nahin hai juz sada-e-lut-lut

mil nahin sakta khuda hai is khudi ke saath men

ai dil is qaid-e-khudi se jald-tar ab chhut chhut

barq saan hansna tira yaad aave hai jis dam mujhe

abr ki manind rota huun main yaksar phuut phuut

hai sada-e-khanda-e-gul khaar us ke kaan men

is liye kahta huun main naale ko apne khot khot

tere kufr-e-zulf ki Dori men aksar ahl-e-din

qaid-e-din-dari se bhage hain nikal kar chhut chhut

koi kafir hi nahin juz nafs khud is dahr men

pas isi kafir ke sar ko raat din tu kuut kuut

aa gaya bahr-e-haqiqat ka hi gauhar haath men

hai mila jab se shah-e-khadim se ‘asim’ tuut tuut

More Poems

Leave a Comment