lamha-e-imkan ko pahlu badalte dekhna
atish-e-be-rang men khud ko pighalte dekhna
ishq men ye faisla hai is dil-e-saudai ka
khud ko girte dekhna us ko sambhalte dekhna
iztirab-e-dard men had se guzar jaana nahin
husn-e-sham-e-arzu ka ruup dhalte dekhna
umr-e-be-andaz ko kaafi sahara ho gaya
khvab-e-khush-andaz us ke saath chalte dekhna
reg-e-be-tadbir men parvaz mahv-e-khvab hai
ik hava-e-tez men us ko machalte dekhna
asman ai asman kya meri qismat men nahin
us nigah men khvahishon ki aag jalte dekhna