Sufi

Lala-Zaron Mein Zard Phul Hun Main

lala-zaron men zard phuul huun main

fasl-e-gul hai magar malul huun main

chand-taron ko rashk hai mujh par

tere qadmon ki sirf dhuul huun main

kyuun mujhe sangsar karte ho

kab ye main ne kaha rasul huun main

nur-e-sar-masti-e-abad huun magar

mai-e-shaffaf men hulul huun main

ranj-o-gham kyuun na meri qadr karen

be-gharaz aur ba-usul huun main

chandni kya payam laai hai

aaj kuchh aur bhi malul huun main

sab ke haq men huun shakh-e-gul lekin

sirf apne liye babul huun main

mujh pe hi yurish-e-alam kyuun hai

jab haqiqat men teri bhuul huun main

gham-e-hijran hi vo sahi ‘abid’

koi to hai jise qubul huun main

More Poems

Leave a Comment