hatheli ki lakiron men
muqaddar qaid hai
umr-e-ravan ke beshtar lamhe
na jaane kaun si asudgi ki justuju men
kitne hi dariyaon ko ik rau men pichhe chhod aae hain
magar sahil pe aa kar
mere pyase hont ab tak phad.phadate hain
miri ankhon men bhi nakamiyan hi raqs karti hain
magar
ehsas ke tarik angan men
umidon ki kiran sargoshiyan karti
sunai jab bhi deti hain
to phir se taza-dam ho kar
muqaddar se
rihai ki
jasarat karne lagta huun
Leave a Reply