Shafaq Sopori
lahra rahi hain khet men gandum ki baliyan
aur pahre par bijoke hain le kar do-naliyan
ru-e-suḳhan hai us ka ḳharidar ki taraf
qassab de raha hai jo billi ko galiyan
ḳhanjar utaar dega jamure ke peT men
buḌhe javan bachche baja.enge taliyan
juute nikalti hain adab se tava.ifen
lekin phaTe jurabon pe hansti hain saliyan
buuTa sa tan tha pahlu men aur kunDali maar ke
siine pe saanp jaisi thiin bahon ki Daliyan
utri tamam raat mire tan ki aarti
mehndi lage vo haath the phulon ki Daliyan
vallah aqidat aaj bhi hai mera scene se
ham ko bahut pasand hain bangal valiyan
lounDon ki ThoḌiyon pe jo sabza uga ‘shafaq’
kis kaam ki rahi hain ye chehron ki laliyan
Leave a Reply