Bismil Arifi
baqa ki chaah men tu dekh be-makan na ho
zamin teri haqiqat hai asman na ho
rah-e-najat men manzil ki justuju kis ko
ye vo safar hai ki jis men kabhi thakan na ho
yahan sabhi ki rasa.i to ghair mumkin hai
ye tajrabat ki mahfil hai bad-guman na ho
raho ḳhilaf to duniya se vasta na rahe
milo to aise ki phir koi darmiyan na ho
tumhari shah pe falak ki to Thaan li hai magar
ye zindagi ki kahin aḳhiri uḌaan na ho
Leave a Reply