abdullateef-shauq

Laghzish-e-Saqi-e-Mai-Khana Khuda Khair Kare

laghzish-e-saqi-e-mai-khana khuda khair kare

phir na tuute koi paimana khuda khair kare

har ghadi jalva-e-janana khuda khair kare

tera dil hai ki sanam-khana khuda khair kare

log kar Dalen na khud apne jigar ke tukde

be-naqab un ka chale aana khuda khair kare

dil ki baat un se abhi kah to gae ho lekin

koi ban jaae na afsana khuda khair kare

shama bechain hai badnam na ho jaun kahin

par jala baitha hai parvana khuda khair kare

kaun guzrega tire dar-o-rasan se hans kar

gham hai jaane kahan divana khuda khair kare

paanv uthte hi nahin ‘shauq’ jabin hai betab

samne hai dar-e-janana khuda khair kare

More Poems

Leave a Comment