Khalid Iqbal Yasir
lage jab pyaas to rista lahu piine nahin deta
udhaḌta khaal bhi meri mujhe siine nahin deta
tamanna maut ki radd ho ga.i hai vaqt ke Dar se
agar main zindagi mangun mujhe jiine nahin deta
ḳhud apni shakl dekhe ek muddat ho ga.i mujh ko
uTha leta hai patthar TuuTe a.ine nahin deta
dilon ko khinchne vaala tarannum kho chuka un ka
magar vo mere be-avaz sazine nahin deta
zamana un pe ‘yasir’ naag ki manind baiTha hai
mujhe mere javahir mere ganjine nahin deta
Leave a Reply