Anis Abr
laga ke dil koi kuchh pal amiir rahta hai
phir ik umr vo gham men asiir rahta hai
kyuun haath dil se lagate ho baar baar apna
kya dil men ab bhi koi be-nazir rahta hai
tiri zaban pe qana.at ki baat Thiik nahin
tire badan pe libas-e-harir rahta hai
yaqin aa gaya in mehrban havaon se
usi gali men mira dast-gir rahta hai
tire firaq ka gham vo hai ki dilase ko
ta-sub.h baam pe mah-e-munir rahta hai
phir ahl-e-ishq ki taḳhliq hoti hai pahle
junun ki aag men barson ḳhamir rahta hai
Leave a Reply