la.egi rang aap ki ye dil-lagi kuchh aur
baḌh kar rahegi ab miri ashuftagi kuchh aur
mujh par khulenge aur abhi raz-ha-e-ishq
dil ko milegi lazzat-e-bechargi kuchh aur
meri hayat ishq hai tamhid-e-imbisat
jalve dikha.egi mujhe ḳhud-raftagi kuchh aur
un ki taraf hai chashm-e-suḳhan go dam-e-aḳhir
us ke siva nahin asar-e-zindagi kuchh aur
haan ai ḳhayal-e-dost dikha dost ko dikha
baaqi kuchh aur hai havas-e-bandagi kuchh aur
rahta na itna duur main us jalva-gah se
ai kaash ubharta gham-e-uftadgi kuchh aur
va.ade yunhi jo karte rahenge vo nau-ba-nau
hasil karunga main tarab-e-zindagi kuchh aur
‘manzur’ ik nigah-e-tarab-soz ke siva
dekha na ham ne hasil-e-sharmindagi kuchh aur
Leave a Reply