lab pe surḳhi ki jagah jo muskurahaT mal rahe hain
hasraton ka bojh shanon par uTha kar chal rahe hain
zindagi ki dauḌ men pichhe na rah jaa.en kisi se
ḳhauf-o-ḳhvahish ke ye paikar niind men bhi chal rahe hain
dil men ḳhema-zan andhero kitni jaldi men hai suraj
jism tak jaage nahin hain aur saa.e Dhal rahe hain
mere qisse men achanak jugnuon ka zikr aaya
asman par mere hisse ke sitare jal rahe hain
raakh hote ja rahe hain mah-o-sal-e-zindagani
jagmaga uThTha jahan ham saath pal do pal rahe hain
ma.il-e-sajda ghulami bhuul ja ḳhu-e-salami
aaj vo badal kahan saya-fagan jo kal rahe hain
Leave a Reply