Anwar Sabri
lab pe kanTon ke hai fariyad-o-buka mere baad
koi aaya hi nahin abla-pa mere baad
mere dam tak hi raha rabt-e-nasim o ruḳh-e-gul
nik.hat-amez nahin mauj-e-saba mere baad
ab na vo rang-e-jabin hai na bahar-e-ariz
lala-ruyon ka ajab haal hua mere baad
chand sukhe hue patte hain chaman men raqsan
haa.e beganagi-e-ab-o-hava mere baad
munh dhulati nahin ghunchon ka urus-e-shabnam
gard-alud hai kaliyon ki qaba mere baad
admiyyat-shikni bhi to nahin kam ‘anvar’
Dar hai kuchh aur na ho is ke siva mere baad
Leave a Reply