Lab-e-Khamosh Mein Pinhan Hai Koi Raaz Nahin

lab-e-khamosh men pinhan hai koi raaz nahin

zindagi saaz hai jis men koi avaz nahin

kyuun na aghosh-e-takhaiyul men main udta hi rahun

dar-haqiqat hai mujhe khvahish-e-parvaz nahin

mere kirdar men hai neki badi par bhari

kyuun vo kar paae badi ko nazar-andaz nahin

ye taalluq jo kiya qata hua qissa tamam

ye nai dastan ka nuqta-e-aghaz nahin

ru-ba-ru aaine ke jaun to dikhta hai mujhe

ajnabi shakhs jo ham-shakl-o-ham-avaz nahin

huun to hargiz nahin paband-e-qavaed ‘naqid’

apni avargi pe mujh ko magar naaz nahin

More Poems

Leave a Comment