Khursheed Akbar
lab-e-dariya muradon ka makan kaisa raha hoga
ghani palkon tale ab-e-ravan kaisa raha hoga
dahakti aag men vo sa.eban kaisa raha hoga
hamare sar ke uupar asman kaisa raha hoga
bahut bechain hai ḳhak-e-bayaban sar paTakti hai
divana shahr bhar men be-aman kaisa raha hoga
sitare bujh ga.e honge zaminen jal rahi hongi
phir is ke ba.ad sair-e-la-makan kaisa raha hoga
zamin ki be-panahi dekhta huun yaad karta huun
falak pahlu men tum sa mehrban kaisa raha hoga
Leave a Reply