kyunkar gali men is ki main ai ham-rahan rahun
is arzu-e-dil pe hai vaan to na ”han” na ”hun”
paata huun main jahan use hote hain vaan mukhil
hairan huun ab ki raz-e-dil us se kahan kahun
bas band kar zaban ki sune ai zaban-daraz
kab tak tiri zaban se koi kam zaban-zubun
shahr-e-tarab se shakl-e-gunahgar dil mira
akhir hua ba-dosti-e-dil-baran barun
zahir hai qatl-e-ashiq-e-muztar ki khuun se surkh
hai qasr-e-khana ka tire ai dil-sitan sutun
qaail ba-dil huun tab amal-e-hub ka main ki jab
us shokh se ba-jadd-o-kad-e-aamilan milun
be-yar jab lage mujhe zindan se ghar batar
barbad kyunki ishq men phir khandan na duun
kya khaak ab-dari-e-tegh us se ho ki hai
vo chashm-e-surma-sa jo ba-sang-e-fasan fusun
‘jurat’ zi-bas hain ahl-e-jahan harf-e-na-shunu
dakhil sukhan main kyunki ba-gosh-e-giran karun
Leave a Reply