Poet
kyuun vo mahbub ru-ba-ru na rahe
kyuun nigahon men guftugu na rahe
ishq hai muntaha-e-mahviyyat
aarzu ki bhi aarzu na rahe
zindagi ye ki vo tujhe chahen
maut hai ye ki aabru na rahe
bandagi hai supurdagi-e-tamam
un ki marzi men guftugu na rahe
tum jo baiThe ho chhup ke pardon men
chashm kyuun mahv-e-rang-o-bu na rahe
dil ka har baar hai naya aalam
kyuun ḳhayalon men guftugu na rahe
chashm-e-saqi ho mehrban agar
ḳhvahish-e-bada-o-subu na rahe
aankh vo us ko pa nahin sakti
ḳhun-e-dil se jo ba-vazu na rahe
dost se maan ‘taj’ vo hasti
jis main kuchh farq ma-o-tu na rahe
Leave a Reply