Adeem Hashmi
kyuun mire lab pe vafaon ka saval aa jaae
ain mumkin hai use khud hi khayal aa jaae
hijr ki shaam bhi siine se laga leta huun
kya khabar yunhi kabhi sham-e-visal aa jaae
ghar isi vaste jangal men badal daala hai
shayad aise hi idhar mera ghazal aa jaae
dhanak ubhre sar-e-aflak kadi dhuup men bhi
dasht-e-vahshat men agar tera khayal aa jaae
koi to ud ke dahakta hua suraj dhanpe
gard hi sar pe ghataon ki misal aa jaae
chhod de vo mujhe taklif men mumkin to nahin
aur agar aisi kabhi surat-e-hal aa jaae
us ghadi puchhunga tujh se ye jahan kaisa hai
jab tire husn pe thoda sa zaval aa jaae
kuchh nahin hai to bhulana hi use siikh ‘adim’
zindagi men tujhe koi to kamal aa jaae
Leave a Reply