Dattatriya Kaifi
kyuun kar chubhe na aankh men gul ḳhaar ki tarah
bhaa.i hai dil ko ek trahdar ki tarah
halat talash-e-yar men ye ho ga.i miri
jaata huun baiTh baiTh dil-e-zar ki tarah
kya dil men ḳhaar rashk-e-ruḳh-e-yar ka chubha
bigḌi hui hai kyuun gul-e-gulzar ki tarah
hai kuchh na kuchh vahan bhi asar dard-e-ishq ka
aankh un ki bhi hai is dil-e-bimar ki tarah
ai kaash mere tar-e-rag-e-jan ko toḌ de
qatil ki tegh yaar ke iqrar ki tarah
‘kaifi’ biTha.en ankhon pe kyuun aap ko na log
chubhti hui hai aap ke ash.ar ki tarah
Leave a Reply