kya khud-parast-o-dair-parast-o-khuda-parast
jab khuub dekhiye to ye sab hain hava-parast
jis din se bu-e-zulf le aai hai apne saath
is gulshan-e-jahan men hua huun saba-parast
sab ko jahan men daava-e-ulfat hai dostan
koi nahin pada hai nazar-ashna-parast
surat-parast-o-raj-parast-o-sanam-parast
maani men dekhiye to sabhi hain khuda-parast
qatil ne paemal kiya jab se khun-e-‘ishq’
sab shaghl chhod kar vo hua hai hina-parast
Leave a Reply