Poet
kya ḳhabar thi ye din bhi dekhenge
ḳhuun bo.enge sabr kaTenge
kis ko munsif kahen kise qatil
bach rahe kal talak to sochenge
main agar yuun hi sar uThata raha
log apne hi but ko pujenge
aap apna bhi ja.eza le len
ham to apni saza ko pahunchenge
qaum maz.hab zamin rang zaban
yunhi kab tak lakiren khinchenge
kya tumhen bhi guman tha ‘anjum’
ham ḳhud apne badan ko nochenge
Leave a Reply