Kya Karen Kyun-Kar Rahen Duniya Mein Yaro Hum Khushi

kya karen kyun-kar rahen duniya men yaaro ham khushi

ham ko rahne hi nahin deta hai hargiz gham khushi

ham to apne dard aur gham men nipat mahzuz hain

ham ko kya is baat se rahta hai gar aalam khushi

ai azizo is khushi ko kui khushi nahin pahunchti

ashiq aur maashuq jab hote hain mil baham khushi

ai falak jis jis tarah ka gham tu chahe mujh ko de

main kabhi nalan na huun hargiz rahun har dam khushi

yaar hai mai hai chaman hai kyuun na ham khush-vaqt hon

is tarah ki hogi ai ‘taban’ kisi ko kam khushi

Leave a Comment